ما هي طريقة صنع كيكة قدرة قادر و مكونات كريم الكراميل

مكونات صنع كيكة قدرة قادر:

نص كاسة سكّر منحرقها عالنار لتصير كراميل ويدوب السكر بالكامل ومنصبّه بالقالب او بالبايركس ومنوزعه عالأطراف السفلى للقالب.

مكونات الكريم كراميل:

1. ٤ بيضات.
2. كاستين حليب سائل.
3. ربع كاسة حليب بودرة.
4. كاسة سكر.
5. ملعقة ص ڤانيليا.

منخفقهن سوى منيح ومنصب الخليط بالقالب فوق الكراميل ، ملاحظة أنا بفضل اطبخ الكريم كراميل بالفرن لمدة نص ساعة وبطالعو وببردو بعدين بصب عليه خلطة الكيكة كرمال ما تتداخل خلطة الميكة بخلطة الكريم كراميل.

ومتل ما قلت بترك الكراميل يبرد بالقالب عجنب بس طالعتو من الفرن .

مكونات الكيكة:

1. كاسة وربع طحين.
2. معلقتين كبار كاكاو.
3. نص كاسة زيت ابيض.
4. نص كاسة سكر.
5. نص كاسة حليب سائل.
6. ٣ بيضات.
7. معلقة صغيرة فانيليا.
8. معلقتين صغيرة بيكينغ باودر.

اول شي بحط البيض والسكر والفانيليا وبخفقهن منيح لحتى يدوب السكر عالآخر، بعدين بحط الحليب والزيت وبخفقهن شوي، بعدين بغربل الطحين الكاكاو فوقهن وبضيف البيكينغ باودر وبخفقهن منيح خفقة اخيرة لحتى يكتمل الخليط ويتجانس.

بصب الخليط بالقالب فوق الكريم كراميل بس بتأكد انه الكريم كراميل نشف من الوجه. بحط القالب بقلب بايركس اكبر منه وبصب بالبايركس مي سخنة حمام مي وبحطهن بالفرن ع حرارة ٢٠٠ بشغلو بس من تحت وبتركهن لمدة ٤٥-٥٥ دقيقة ، بطالع القالب من الفرن وبتركه ليبرد بعدين بحطه بالبراد حوالي الساعتين لحتى يبرد ، برجع بحط القالب بحمام المي السخنة لمدة ١٠ دقايق كرمال يدوب الكراميل بالسفل وتفك الكيكة من القالب وبحرر اطراف الكيكة من فوق ب سكينة وبعدين بقلبها على صحن وصحتين وهنا.